Sprenging í Hveragerði

Grunur leikur á að sprengiefni hafi verið skilið eftir á almannafæri í Hveragerði og hluti þess sprungið í síðustu viku.

Lögreglan á Selfossi er með málið til rannsóknar. Þaðan fengust þær upplýsingar að verktaki sem hafi unnið jarðvegsvinnu í fyrra hafi hætt starfsemi eftir að hafa borað fyrir sprengjuleiðslum og skilið sprengiefni þar eftir. Síðan hafi orðið sprenging þar í síðustu viku. Lögreglumenn fóru í dag að skoða vettvanginn og kanna hvort þar sé eitthvað frekara virkt sprengiefni. Jafnframt er verið að kanna hver ber ábyrgð á því að efnið var skilið þarna eftir á staðnum.

Sprengiefnið var skilið eftir skammt frá íbúðarhúsnæði en ekki er vitað til þess að neinir hafi verið nálægir þegar sprengingin átti sér stað.