Reyna að koma í veg fyrir verkfall

Samningaviðræður hófust á ný í dag á milli yfirmanna British Airways og flugliða fyrirtækisins sem hafa boðað til fimm daga verkfalls frá og með næsta mánudegi.

Áfrýjunardómstóll í Bretlandi felldi í vikunni úr gildi bann við verkfalli flugliða dómstóll hafði áður sett lögbann á aðgerðir starfsfólksins sem áttu að hefjast síðastliðinn mánudag. Flugliðar ákváðu fyrr í mánuðinum að leggja niður vinnu í 20 daga eða í fimm lotum og þá fjóra daga í senn.

British Airways er á vonarvöl. Flugfélagið hefur verið rekið með stórfelldu tapi og það tap hefur auðvitað enn aukist vegna truflana á flugi vegna öskunnar frá Eyjafjallajökli. Félagið tapaði 531 milljónum sterlingspunda eða rétt tæplega hundrað milljörðum íslenskra króna síðasta reikningsárið sem lauk í mars. Það er mesta tap í sögu flugfélagsins frá því það var einkavætt árið 1987.