Dreifibréf í öll hús á Eskifirði: Ráðlagt að sjóða neysluvatn

Búið er að senda öllum íbúum Eskifjarðar dreifibréf þar sem þeim er ráðlagt að sjóða allt neysluvatn næstu daga í kjölfar mengunarslyss í löndunarhúsi fiskimjölsmiðju Eskju síðastliðinn sunnudag.

Veitan verður skoluð út um helgina en það starf fer fram í samstarfi við Heilbrigðiseftirlitið. Í sýnitöku sem fór fram á vegum Heilbrigðiseftirlits Austurlands fundust gerlar sem geta leitt til þess að fólk verði veikt.

Jón Björn Hákonarson, forseti bæjarstjórnar Fjarðarbyggðar, segist ekki vita til þess að einhver hafi orðið veikur.