Lögreglan þefaði óvænt upp kannabisræktun

Þefvísi árvökulla lögreglumanna frá Selfossi varð til þess að þeir upprættu óvænt umfangsmikla kannabisræktun í heimahúsi á Eyarrbakka.

Þegar þeir voru á rólegri á eftirlitsferð um bæinn í blíðunni gærkvöldi, með báðar farmrúður niður skrúfaðar, fundu þeir torkennilegri lykt bregða fyrir. Helst datt þeim í hug kannabislykt og að hana mætti rekja að tilteknu húsi, án þess að nokkrar grunsemdir hefður verið um nokkurt misjafnt þar.

Þeir kölluðu á liðsauka og bönkuðu uppá. Þar var fyrir par á þrítugs aldri sem var í óða önn að saxa niður 30 kannabisplöntur í neysluskammta, samtals um eitt kíló. Þau voru líka búin að koma 30 nýjum græðlingum af stað og var húsið undirlagt í þessari starfssemi, að sögn lögreglunnar, með viðeigandi búnaði eins og til dæmis gróðurhúsalömpum og viftum.

Lögreglan lagði hald á græðlinga, afurðir og búnað, og handtók fólkið.