Lögbrjótar verði sniðgengnir

Foreldrasamtök gegn áfengisauglýsingum hvetja fólk til að sniðganga allar vörur frá fyrirtækjum sem auglýsa áfengi í íslenskum fjölmiðlum.

Árni Guðmundsson, formaður samtakanna, segir ótrúlega mikið um að fyrirtæki brjóti lög sem banna áfengisauglýsingar, og brjóti þar með á lögvörðum réttindum barna og ungmenna.

„Þeir sniðganga löggjöfina, og okkur þykir sjálfsagt að sniðganga þeirra vörur á móti," segir Árni. Hann segir almenning fullfæran um að átta sig á hvenær sé verið að auglýsa áfengi þrátt fyrir að orðinu „léttöl" sé skotið inn í auglýsingarnar. - bj