Draugurinn Bill Murray

Leikarinn Bill Murray verður í hlutverki draugs í þriðju Ghostbusters-myndinni sem er í framleiðslu um þessar mundir. Murray verður áfram í hlutverki dr. Peters Venkmans líkt og í fyrri tveimur myndunum en í þetta sinn verður hann í litlu hlutverki. Hann setti það sem skilyrði fyrir því að leika í myndinni að hann yrði draugur. „Ég sagði við þá: „Ég tek þátt ef þið drepið mig strax í byrjun myndarinnar“,“ sagði Murray, sem varð að ósk sinni. Ghostbusters III kemur út á næsta ári, 22 árum eftir að mynd númer tvö kom út.