FM957 gerir góðverk - myndir

„Í síðustu viku voru „Góðverkadagar á FM957" þar sem við gerðum góðverk á hverjum degi sem stigmögnuðust," segir Heiðar Austmann útvarpsmaður með meiru.

„Við gerðum svo stærsta góðverk vikunnar á föstudaginn síðasta þegar ég hafði samband við Ásgerði hjá Fjölskylduhjálp Íslands og kom henni á óvart með miklum glaðningi."

„Ástæðan fyrir þessu óvænta símtali var að daginn áður talaði ég við Ásgerði til að undirbúa viðtalið og sagði henni að mig langaði til að gera eitthvað gott fyrir sjálfboðaliða Fjölskylduhjálpar Íslands sem eru fjörutíu talsins," útskýrir Heiðar.

„Þegar hún sagði mér hversu margar fjölskyldur sóttu aðstoð deginum áður sló talan mig algjörlega út af laginu. Fimmhundruð og fimmtíu fjölskyldur."

„Það var eftir símtalið sem ég fór til söludeildar 365 og bað þá um að hafa samband við nokkra af sínum viðskiptavinum um að leggja fram hjálparhönd. Viðbrögðin voru vægast sagt frábær."

Heiðar mætti fyrir hönd FM957 með eitt stykki flutningabíl með sér sem innihélt:

2.500 flöskur af Kristal frá Ölgerðinni

60 pk. af Cheerios frá Nathan & Olsen

80 bíómiða frá Smárabíó

10 bensínúttektir frá N1 (3.000 kr. hver)

Gjafabréf frá KFC