Orðin stóðu á litla sviðinu - myndir

Fyrsti „þáttur" af Orð skulu standa var fluttur á litla sviði Borgarleikhússins á þriðjudagskvöld. Ilmur Kristjánsdóttir og Egill Ólafsson voru fyrstu gestir en það hefur alltaf skipt litlu máli hverjir fara með sigur af hólmi, Ólympíuhugsjónin hefur verið látin ríkja.

Allt gekk eins og í sögu í sýningunni og áhorfendur skemmtu sér konunglega yfir tilraunum gestanna með íslenskt mál.

Það er óneitanlega mikill hjónasvipur með þeim Símoni Ármannssyni og Guðfinni Sigurvinssyni, útvarpsmanni á Rás 2.

Sigurður A. Magnússon rithöfundur er mikill íslenskumaður og virtist skemmta sér konunglega ásamt Ragnhildi Bragadóttur.

Björgvin G. Sigurðsson gaf sjálfum sér smá frí frá umræðum Alþingis um hvort draga ætti hann til ábyrgðar fyrir bankahrunið. Hann var í góðum félagsskap Bryndísar Schram og Jóns Baldvins sem eru auðvitað ansi sjóuð í hinum pólitíska ólgusjó.

Karl Th. Birgisson var vígalegur að sjá í hvíta jakkanum. Hrútshöfuð sem vakti yfir þáttarstjórnandanum vakti töluverða athygli.