Farþegar úr rútuslysinu fyrir norðan enn á sjúkrahúsum

Tveir farþegar úr rútuslysinu við Einarsstaði í Reykjadal, í Suður Þingeyjasýslu í gærkvöldi, liggja á Landsspíatlanum í Reykjavík og nokkrir liggja á sjúkrahúsinu á Akureyri.

Rútan var með 15 erlenda ferðamenn um borð þegar hún valt um klukkan hálf sjö í gærkvöldi. Hátt í tíu farþegar voru fyrst fluttir á sjúkrahúsið á Akureyri til aðhlynningar, en síðan voru tveir fluttir með sjúkarflugvél til Reykjavíkur, en munu ekki vera í lífshættu.

Lögreglan á Húsavík kallaði til marga sjúkrabíla og björgunarsveitarmenn til að ná fólkinu úr rútunni. Talið er að hemlar rútunnar hafi bilað, en verið er að rannsaka það nánar.