Allir í fríi nema móttökuritarinn

Það er ekki lokað en það var gefið sólarfrí hérna í ráðuneytinu, segir Silja Gunnarsdóttir, móttökuritari í félagsmálaráðuneytinu.

Vegna góðs veðurs ákvað Árni Páll Árnason, félags- og tryggingamálaráðherra, að gefa öllum starfsmönnum ráðuneytisins leyfi. Silja segist hafa tekið að sér að vera viðstödd í ráðuneytinu svo hægt væri að taka á móti símtölum. „Fólk getur hringt inn og það getur líka komið," segir Silja.

Silja segist alveg geta sætt sig við það að vera í ráðuneytinu á meðan allir aðrir eru í fríi. „Já já, ég er hvort sem er að fara í sumarfri," segir Silja.