Forseti á faraldsfæti

Ásta Ragnheiður Jóhannesdóttir, forseti Alþingis, sækir sjöttu ráðstefnu kvenþingsforseta á vegum Alþjóðaþingmannasambandsins sem er haldinn í Bern í Sviss í dag og á morgun. Öllum kvenþingforsetum aðildarlanda Alþjóðaþingmannasambandsins er boðið til ráðstefnunnar samkvæmt frétt á vef Alþingis.

Forseti Alþingis sækir einnig ráðstefnu þingforseta allra aðildarríkja Alþjóðaþingmannasambandsins sem haldin er dagana 19.-21. júlí næstkomandi í Genf í Sviss. Boðað er til á fimm ára fresti og var hún fyrst haldin í New York árið 2000. Þetta er því þriðja heimsráðstefna þingforseta. Til ráðstefnunnar er boðið öllum þingforsetum aðildarríkjanna 155 og einnig þingforsetum níu ríkja sem eiga aukaaðild að Alþjóðaþingmannasambandinu.