Hafnaði utanvegar með gröfu

Betur fór en á horfðist þegar umferðaróhapp varð á Biskupstungnabraut skammt frá Selfossi á tólfta tímanum í gærkvöldi. Þar mættust tveir bílar og var öðrum þeirra ekið öfugum vegarhelmingi sem varð til þess að sá sem á móti komi sveigði til hliðar og hafnaði utanvegar. Ökumaðurinn bifreiðarinnar var með kerru í eftirdragi. Á henni var grafa sem þeyttist af og skemmdist talsvert. Engin slys urðu á fólki en mikil þoka var á svæðinu þegar óhappið varð, að sögn lögreglunnar á Selfossi.

Umferð gekk vel í gær um umdæmi lögreglunnar á Selfossi. Til stóða að lögreglumaður frá embættinu tæki þátt í umferðareftirliti á svæðinu úr þyrlu Landhelgisgæslunnar en ekkert varð af því vegna þoku. Þess í stað var þyrlan við eftirlit á vestur- og norðvesturlandi seinnipartinn í gær og fram að miðnætti. Nokkrir ökumenn voru teknir fyrir hraðakstur og þá hafði lögregla afskipti af bílum með eftirvagna og kerrur.