Mikið stuð í Eyjum í blíðskapar veðri - Myndir

Mikið stuð var í Vestmannaeyjum í dag. Þoka lá yfir eyjunni allan daginn, en þó byrjaði að birta til seinni partinn. Búist er við því að fleiri komi til eyjarinnar í kvöld og á morgun.

Áætlað er að um 16 þúsund manns séu á eyjunni að skemmta sér. Allt hefur farið friðsamlega fram en einn var þó tekinn með tæplega fimmtíu grömm af amfetamíni í gærkvöldi.

„Þokan er farin og við söknum hennar ekkert," segir Óskar Pétur sem er í Vestmannaeyjum en flug lá niðri til eyjarinnar í dag vegna hennar. „Veðurblíðan var einstök og fólk var léttklætt. Það er þó athyglisvert að ég sá engan lunda þegar ég gekk eftir Eggjunum fyrir ofan dalinn," segir Óskar sem hefur engar skýringar á því að lundinn lætur ekki sjá sig.