Maður stunginn á Dalvík

Ungur maður var stunginn í bakið á Dalvík í nótt en lögreglan segir að áverkar hans hafi ekki verið alvarlegir. Sá sem grunaður var um verknaðinn var handtekinn. Mennirnir eru báðir um tvítugt.

Töluverð ölvun var á Dalvík í gær enda þúsundir manna þar til þess að fagna fiskideginum mikla sem fram fór í gær. Lögreglan hafði meðal annars afskipti af manni sem hafði dottið í sjóinn en hann fannst á túni í bænum og var að jafna sig eftir volkið. Þá voru tveir teknir fyrir ölvunarakstur.