Dunne líklega á leið til Aston Villa eftir allt saman

Stjórn ensku úrvalsdeildarinnar átti enn eftir að gefa grænt ljós á félagsskipti varnarmannsins Richard Dunne til Aston Villa frá Manchester City þegar félagsskiptaglugganum lokaði formlega kl. 16 að íslenskum tíma í dag.

Aston Villa var búið að samþykkja 6 milljón punda kaupverð við City en sögusagnir herma að Dunne hafi ekki verið sáttur með borganir City-manna og taldi sig eiga greiðslur inni hjá félaginu.

Búist er þó við því að félagsskiptin gangi í gegn á endanum þar sem allir pappírar voru klárir fyrir tilsettan tíma.