Chelsea með risakauptilboð í Ribery?

Sögusagnir herma að enska úrvalsdeildarfélagið Chelsea sé búið að leggja fram 65 milljón evra kauptilboð í vængmanninn eftirsótta Franck Ribery hjá Bayern München en leikmaðurinn hefur verið sterklega orðaður við stærstu félög Evrópu í allt sumar.

Real Madrid og Barcelona voru talin hafa gefist upp á að reyna að fá Ribery en eftir að Bæjarar tryggðu sér þjónustu Arjen Robben frá Real Madrid virðast allar gáttir hafa opnast upp á nýtt fyrir Ribery.

Það verður engu að síður að teljast líklegt að þó svo að Chelsea sé komið í kapphlaupið um Ribery þá séu forráðamenn Real Madrid ekki búnir að segja sitt síðasta.