Aron Einar líklega fótbrotinn

Aron Einar Gunnarsson var fluttur á sjúkrahús eftir að hann var borinn af velli í leik Sheffield Wednesday og Coventry í gær.

Leon Clarke, leikmaður Wednesday, braut á Aroni Einari með þessum afleiðingum á 55. mínútu leiksins í gær.

„Því miður er útlitið ekki bjart hjá Aroni. Við grunum að hann sé fótbrotinn eða í það minnsta brákaður á fæti," sagði Chris Coleman, stjóri Coventry.

„Við vonum innilega að meiðslin séu ekki jafn slæm og við teljum því við höfum þegar misst Sammy Clingan í meiðsli. En þetta lítur ekki vel út."