Tottenham og AC Milan að undirbúa leikmannaskipti?

Samkvæmt heimildum dagblaðsins Daily Mail er enska úrvalsdeildarfélagið Tottenham í viðræðum við ítalska félagið AC Milan um leikmannaskipti þegar félagaskiptaglugginn opnar í janúar.

Um er að ræða að framherjinn Roman Pavlyuchenko og bakvörðurinn Gareth Bale færu þá frá Tottenham til AC Milan í skiptum fyrir framherjann Klaas-Jan Huntelaar.

Bæði Pavlyuchenko og Bale hafa fengið lítið að spila undir knattspyrnustjóranum Harry Redknapp hjá Tottenham og þá hefur Huntelaar engan veginn fundið sig hjá AC Milan síðan hann kom til félagsins frá Real Madrid í sumar.