Sunderland nálægt því að fá Mensah

Knattspyrnustjórinn Steve Bruce hjá Sunderland hefur staðfest að félagið sé nálægt því að fá varnarmanninn John Mensah á lánssamningi út leiktíðina frá Lyon en leikmaðurinn hefur verið orðaður við enska félagið í allt sumar.

„Við erum nálægt því að ganga frá málum varðandi félagsskipti Mensah og vonandi siglum við þessu í höfn á næstu dögum," segir Bruce í samtali við Sky Sports fréttastofuna.

Mensah var mikið meiddur á síðustu leiktíð með Lyon og er búinn að vera að leita eftir tækifæri til þess að breyta um umhverfi og ekki farið leynt með vilja sinn um að prófa sig í ensku úrvalsdeildinni.