Dynamo Kiev reynir að fá Shevchenko

Samkvæmt heimildum Sky-fréttastofunnar er úkraínska liðið, Dynamo Kiev, í viðræðum við Chelsea en félagið vill kaupa framherjann Andriy Shevchenko.

Shevchenko lék með félaginu áður en hann ákvað að láta til sín taka á meginlandinu.

Shevchenko átti frábær ár með AC Milan en ferli hans lauk nánast um leið og hann ákvað að fara til Chelsea. Þar komst hann aldrei í gang. Úr varð að hann fór að láni til Milan en þar gekk honum heldur ekkert að komast aftur í gang.

Chelsea hefur því ákveðið að leyfa honum að fara frá félaginu.

Shevchenko verður væntanlega í Kænugarði um helgina í samningsviðræðum við félagið.