Given: Hissa á móttökunum sem Barry fékk

Markvörðurinn Shay Given hjá Manchester City kveðst vera hissa á þeim óvingjarnlegu móttökum sem liðsfélagi sinn Gareth Barry fékk þegar hann snéri aftur til þess að mæta sínum gömlu liðsfélögum í Aston Villa á Villa Park í gær.

Stuðningmenn Aston Villa voru margir hverjir fljótir að gleyma þeim ellefu árum og 440 leikjum sem Barry spilaði fyrir félagið þegar þeir sáu hann í treyju City í gær og létu óánægju sína í ljós með baulum og svívirðingum á meðan leiknum stóð.

„Ég er mjög hissa á þessu móttökum sem Barry fékk. Hann hefur gert mikið fyrir Aston Villa og mér fannst hann ekki eiga skilið að stuðningsmenn félagsins hafi baulað á hann. Hann var þarna í svo mörg ár og Aston Villa fékk þar að auki tólf milljónir punda fyrir hann," var haft eftir Given í enskum fjölmiðlum í dag.