Þorvaldur: Nóg að skora eitt - Betra að skora fimm

Það sást glitta í bros hjá Þorvaldi Örlygssyni að loknum leik lærisveina hans í Fram gegn Keflvíkingum í kvöld.

Framarar fóru hreinlega á kostum og rústuðu leiknum 5-0.

"Það er oft nóg að vinna leiki með einu marki til að fá þrjú stig. En í kvöld unnum við með fimm. Sem er betra."

Þorvaldur segir liðið sitt að ná ágætis flugi.

"Þetta var mjög gott hjá okkur í kvöld. Gott spil. Góðar sendingar og fullt af færum. Jón Guðni Fjóluson var að spila mjög vel í kvöld á miðjunni sérstaklega í fyrri hálfleik þannig að það var margt jákvætt í þessu.