Enski boltinn

Ancelotti: Þurfum að verjast betur föstum leikatriðum

Eiríkur Stefán Ásgeirsson skrifar
Carlo Ancelotti, stjóri Chelsea.
Carlo Ancelotti, stjóri Chelsea. Nordic Photos / Getty Images

Carlo Ancelotti segir það deginum ljósara að hann þarf að vinna betur í því að fá hans menn til að verjast betur föstum leikatriðum hjá andstæðingunum.

Ancelotti er knattspyrnustjóri Chelsea sem tapaði í dag fyrir Aston Villa, 2-1, á útivelli. Bæði mörk Villa komu með skall eftir hornspyrnu.

„Við töpuðum leiknum á tveimur föstum leikatriðum," sagði Ancelotti við enska fjölmiðla eftir leikinn. „Við þurfum að vera betur einbeittir á þeirri stöðu. Við spiluðum vel og viljum ekki tapa leikjum þegar slíku er að heilsa - bara ef hitt liðið spilar betur en við."

Kollegi hans hjá Villa, Martin O'Neill, var vitanlega hæstánægður með sigurinn.

„Við erum með mikið af góðum leikmönnum og þeir stóðu sig vel gegn mjög sterkum andstæðini. Mörk úr föstum leikatriðum gerðu út um leikinn en annað eins hefur nú gerst í úrslitaleikjum heimsmeistarakeppna."






Fleiri fréttir

Sjá meira


×