Enski boltinn

Ben Haim: Ég er búinn að semja við Portsmouth

Eiríkur Stefán Ásgeirsson skrifar
Tal Ben Haim í leik með Manchester City.
Tal Ben Haim í leik með Manchester City. Nordic Photos / Getty Images
Ísraelinn Tal Ben Haim segist vera búinn að gera fjögurra ára samning við enska úrvalsdeildarfélagið Portsmouth.

Portsmouth er sem stendur í neðsta sæti deildarinnar en liðið hefur tapað öllum sínum fjórum leikjum til þessa.

Ben Haim hefur verið á mála hjá Manchester City en spilaði síðast með félaginu í desember síðastliðnum. Hann hefur til að mynda verið á láni hjá Sunderland.

Hann hóf feril sinn hjá Bolton en hefur einnig leikið hjá Chelsea. Hans fyrsti leikur með Portsmouth verður sennilega gegn Bolton eftir landsleikjafríið.

Mest lesið


Fleiri fréttir

Sjá meira


×

Mest lesið