Al Fahim staðfestir yfirtöku sína á Portsmouth

„Fjárfestingarfélagið Al Fahmin Asia Associates Ltd., sem er í eigu Sulaiman Al Fahim, er nú orðið eigandi enska úrvalsdeildarfélagsins Portsmouth. Al Fahim hlakkar til þess að hjálpa Portsmouth viðhalda ríkri sögu félagsins og ná nýjum hæðum í ensku úrvalsdeildinni í framtíðinni.

Stjórnarformaður Portsmouth vill koma til skila þökkum til leikmanna, þjálfarateymis og aðdáenda félagsins fyrir þolinmæði og tryggð," segir í yfirlýsingu frá Sulaiman Al Fahim nýjum eiganda Portsmouth.

Yfirtakan er búin að standa lengi yfir og fyrr í mánuðnum leit út fyrir að ekkert yrði af þessu hjá Al Fahim.

Óvissa varðandi framtíð Portsmouth hefur orðið til þess að félagið missti marga af sínum bestu leikmönnum og fengið fáa í staðinn.

Það er spurning hvað gerist nú og hvort að knattspyrnustjórinn Paul Hart fái fjármagn til þess að fjárfesta í nýjum leikmönnum áður en félagsskiptaglugganum lokar 1. september næstkomandi.