Umfjöllun: Markaveisla á Meistaravöllum

Þeir rúmlega þúsund áhorfendur sem lögðu leið sína á leik KR og Stjörnunnar fengu heldur betur eitthvað fyrir peninginn. Tíu mörk voru skoruð og þar af skoraði KR sjö. Fimm mörk voru skoruð á níu mínútna kafla í leiknum. Þetta var ævintýralegur leikur.

Stjörnumenn mættu grimmir til leiks. Mættu KR hátt á vellinum og freistuðu þess að skora. Þeir fengu betri færi framan af en KR sá samt um að skora mörkin.

Þrjú mörk komu í fyrri hálfleik og síðan varð allt vitlaust í síðari hálfleik þegar fimm mörk komu á færibandi. KR alltaf með örugga forystu og átti sigurinn skilinn.

Stjörnumenn gerðu þeim samt óþarflega auðvelt fyrir. Guðni Rúnar og Tryggvi Sveinn voru glórulausir í miðvarðarstöðunum og náðu engan veginn saman.

Fyrir vikið fengu KR-ingar aragrúa af opnum færum í miðjum teignum. Daníel Laxdal var á miðjunni og hefði að ósekju mátt fara mun fyrr í vörnina. Bjarni þjálfari var allt of lengi að bregðast við.

Bjarni Þórður var ekki mikið skárri í markinu, varði ekki bolta og gaf í það minnsta eitt mark. Vondur leikur hjá honum. Halldór Orri var bestur Stjörnumanna. Var sívinnandi og ógnandi. Steinþór átti spretti en allt of fáa. Markið hans var samt glæsilegt. Þorvaldur sást ekki í leiknum en tókst samt að skora tvö mörk sem var afrek.

Óskar Örn skoraði flotta þrennu og var ógnandi. Bjarni sterkur á miðjunni og Baldur ágætur. Gunnar Örn fann sig ekki. Guðmundur Benediktsson var drjúgur.

KR spilaði fínan fótbolta lengstum og bæði lið fá plús í kladdann fyrir að vilja spila sóknarbolta.

Þetta var samt dagur KR sem nýtti færin sín frábærlega og refsaði slakri vörn Stjörnunnar hvað eftir annað.

KR-Stjarnan  7-3

1-0 Guðmundur Benediktsson (12.)

2-0 Bjarni Guðjónsson (33.)

3-0 Óskar  Örn Hauksson (35.)

4-0 Gunnar Örn Jónsson (51.)

4-1 Þorvaldur Árnason (54.)

4-2 Steinþór Freyr Þorsteinsson (57.)

5-2 Óskar Örn Hauksson (58.)

6-2 Björgólfur Takefusa (60.)

6-3 Þorvaldur Árnason (67.)

7-3 Óskar Örn Hauksson (79.)

Áhorfendur: 1.010

Dómari: Magnús Þórisson 4.

Skot (á mark): 16-16 (9-4)

Varin skot: Andre 1 – Bjarni 2

Horn: 2-5

Aukaspyrnur fengnar: 8-13

Rangstöður: 6-1

KR (4-4-2)

Andre Hansen  4

Skúli Jón Friðgeirsson  6

Grétar Sigfinnur Sigurðsson  5

Mark Rutgers  5

Jordao Diogo  5

(62., Gunnar Kristjánsson  6)

Gunnar Örn Jónsson  5

(80, Ingólfur Sigurðsson  -)

Bjarni Guðjónsson  7

Baldur Sigurðsson  6

Óskar Örn Hauksson  8 - Maður leiksins

Guðmundur Benediktsson  7

(72., Guðmundur Reynir Gunnarsson  -)

Björgólfur Takefusa  6

Stjarnan (4-5-1)

Bjarni Þórður Halldórsson  2

Bjarki Páll Eysteinsson  6

Guðni Rúnar Helgason  2

Tryggvi Sveinn Bjarnason  2

Hafsteinn Rúnar Helgason  3

(63., Grétar Atli Grétarsson  4)

Björn Pálsson  5

Daníel Laxdal  5

Halldór Orri Björnsson  7

Steinþór Freyr Þorsteinsson  6

(81., Magnús Björgvinsson  -)

Jóhann Laxdal  3

Þorvaldur Árnason  6

Smelltu hér til að opna Boltavaktina og lesa lýsingu leiksins: KR - Stjarnan