Portsmouth reynir að fá tvo leikmenn frá Tottenham

Sky Sports fréttastofan greinir frá því að Portsmouth sé búið að fara þess á leit við Tottenham að fá leikmennina Jamie O'Hara og Kevin-Prince Boateng.

Tottenham er talið vera búið að samþykkja 4 milljón punda kauptilboð Portsmouth í Boateng en O'Hara mun líklega einungis fara á láni ef knattspyrnustjórinn Harry Redknapp samþykkir að sleppa af honum hendinni.

Báðir leikmennirnir hafa lítið sem ekkert spilað með Lundúnafélaginu á þessu keppnistímabili og eru því taldir líklegir til þess að hoppa á tækifærið til þess að fá að spila meira.