Skatt-man í heimsókn hjá Harry Redknapp

Knattpyrnustjórinn Harry Redknapp hjá Tottenham á ekki sjö dagana sæla um þessar mundir en um helgina var orðrómur á kreiki um að hann væri að hætta sem stjóri Tottenham, en hann neitaði því staðfastlega.

Knattspyrustjórinn er enn fremur búinn að vera undir smásjá rannskóknardeild skattsins á Englandi undanfarin misseri vegna aðildar hans að félagaskiptum framherjans Peter Crouch frá Portsmouth til Aston Villa á 5 milljónir punda árið 2002.

Redknapp er gefið að sök að hafa fengið hluta af upphæðinni í eigin vasa fyrir aðild sína að viðræðunum en ekki talið það fram til skatts. Redknapp kveðst aftur á móti hafa ekkert að fela og líkir rannskókninni við nornaveiðar.

„Ég hef alltaf haft allt mitt upp á borðinu og hef líklega borgað einhverjar tíu milljónir punda í tekjuskatt undanfarin tíu ár. Ég er því orðinn þreyttur á því að alltaf sé verið að bendla mig við einhver skattsvik," segir Redknapp í viðtali við The Sun.