Fowler skoraði en North Queensland Fury tapaði samt

Robbie Fowler skoraði sínum fyrsta leik með North Queensland Fury í áströlsku úrvalsdeildinni en það var þó ekki nóg til þess að koma í veg fyrir 2-3 tap liðsins fyrir Sydney FC. Ástralski landsliðsframherjinn John Aloisi skoraði tvennu fyrir Sydney-liðið og þar á meðal sigurmarkið.

Robbie Fowler jafnaði leikinn í 2-2 með marki úr vítaspyrnu á 60. mínútu leiksins en North Queensland Fury hafði lent 0-2 undir eftir aðeins 28 mínútna leik.

„Við gerðum sjálfum okkur grikk með að byrja svona illa en liðið gerði vel í að koma til baka. Þetta eru engin óskaúrslit en við sýndum samt styrk með að jafna leikinn," sagði Fowler eftir leik en hann var gerður að fyrirliða liðsins fyrir tímabilið.