Rooney: Fletcher var yfirburðamaður á vellinum

Wayne Rooney er ný vítaskytta hjá Man. Utd þar sem Ronaldo er farinn og Carrick klikkaði gegn Burnley. Rooney skoraði úr víti gegn Arsenal í dag og er sáttur við að vera orðin ný vítaskytta liðsins.

„Það vissi í raun enginn hver væri vítaskytta liðsins. Við fengum víti á móti Burnley og þá brást Carrick því miður bogalistin. Þá sagðist ég bara ætla að taka þessi víti. Sem betur fer skoraði ég úr minni spyrnu í dag," sagði Rooney eftir sigurleikinn gegn Arsenal í dag.

„Þetta var annar flottur leikur. Mér fannst við vera betri í síðari hálfleik. Arsenal var meira með boltann í fyrri hálfleik en þó án þess að særa okkur fyrir utan þetta eina mark. Við vissum að við yrðum að gera betur í síðari hálfleik og sem betur fer gerðum við það. Hvað varðar vítið þá var það aldrei spurning. Hann sópaði löppunum undan mér," sagði Rooney sem var sérstaklega ánægður með Darren Fletcher í leiknum.

„Framherjar eru oftast valdir menn leiksins ef þeir skora en mér fannst Darren Fletcher bera höfuð og herðar yfir alla leikmann vallarins í dag."