Kalou framlengir við Chelsea

Salomom Kalou hefur gengið frá nýjum samningi við Chelsea sem gildir til loka ársins 2012. Hann er á sínu fjórða ári hjá félaginu.

Carlo Ancelotti, stjóri Chelsea, er gríðarlega ánægður með þessi tíðindi enda segir hann Kalou vera liðinu afar mikilvægur. Hann telur að Kalou eigi eftir að verða enn mikilvægari á næstu árum.

Kalou er enn einn leikmaðurinn sem framlengir við félagið en áður höfðu John Terry, Ashley Cole og Didier Drogba gert nýja samninga.

Kalou hefur skorað 31 mark fyrir Chelsea. Hann hefur verið í byrjunarliðinu í 93 leikjum og 66 sinnum hefur hann komið af bekknum.