Tore Andre Flo skúrkurinn hjá MK Dons í kvöld

Norðmaðurinn Tore Andre Flo klikkaði á sínu víti í vítakeppni í undanúrslitaleik MK Dons og Scunthorpe í ensku C-deildinni í kvöld. Scunthorpe komst þar með í úrslitaleikinn á móti Millwall en liðin spila á Wembley um laust sæti í ensku b-deildinni.

MK Dons og Scunthorpe gerðu jafntefli í báðum leikjum sínum, fyrst 1-1 á heimavelli Scunthorpe og svo markalaust jafntefli á heimavelli MK Dons í kvöld.

Scunthorpe vann vítakeppnina 7-6 en Jude Stirling átti möguleika á því að tryggja MK Dons sigurinn fyrr í vítakeppninni en lét þá verja frá sér víti.