Liverpool vann auðveldan sigur á Stoke

Stoke City var engin fyrirstaða fyrir Liverpool er liðin mættust á Anfield í kvöld. Lokatölur 4-0 fyrir heimamenn.

Fernando Torres skoraði fyrsta markið á 4. mínútu með skoti af stuttu færi eftir laglegan undirbúning Steven Gerrard.

Glen Johnson opnaði síðan markareikning sinn hjá Liverpool á 45. mínútu þegar hann skoraði glæsilegt mark. Hann klippti þá boltann smekklega í teignum.

Steven Gerrard lagði svo aftur upp glæsilegt mark á 78. mínútu. Lék á varnarmenn Stoke, lagði boltann í teiginn þar sem Hollendingurinn Dirk Kuyt potaði honum í netið.

Það var síðan David Ngog sem skoraði lokamark leiksins á lokamínútunni.