Defoe orðinn þreyttur á samanburði við Owen

Enski landsliðsframherjinn Jermain Defoe viðurkennir í nýlegu viðtali að hann sé kominn með upp í kok á endalausum samanburði við framherjann Michael Owen hjá Manchester United.

Owen hefur ekki verið valinn upp á síðkastið í landsliðshópa Fabio Capello hjá Englandi og Defoe segir algjöran óþarfa að vera alltaf að draga sitt nafn inn í þá umræðu.

„Michael Owen er frábær leikmaður en við skulum hafa það á hreinu að það er ekki þannig að þótt að ég sé í hópnum að þá sé ekki pláss fyrir hann eða öfugt. Ég myndi gjarnan vilja að nafn mitt væri ekki alltaf dregið inn í umræðuna í sambandi við Owen," er haft eftir Defoe.