Umfjöllun: Pattstaða við botninn eftir jafntefli í Grindavík

Grindavík og Fjölnir gerðu 1-1 jafntefli í botnbaráttuslag í kvöld. Jónas Grani Garðarsson kom Fjölni yfir snemma leiks en Óli Baldur Bjarnason jafnaði metin. Ekkert var skorað í seinni hálfleik.

Það tók Fjölni aðeins fjórar mínútur að taka forystuna í Grindavík í kvöld. Andri Valur Ívarsson átti þá skot sem Óskar Pétursson markvörður varði en Óskar hélt ekki boltanum og Jónas Grani Garðarsson skoraði í autt markið.

Fyrri hálfleikurinn var virkilega fjörugur og hefði Sveinbjörn Jónasson getað jafnað þegar hann fékk dauðafæri en fór illa að ráði sínu. Strax í næstu sókn var Gunnar Már Guðmundsson nálægt því að bæta við marki fyrir Fjölni en Óskar varði fastan skalla hans.

Eftir það voru Grindvíkingar meira með boltann og sérstaklega var Jósef Kristinn Jósefsson líflegur í sóknaruppbyggingunni. Það var verðskuldað sem Grindvíkingar jöfnuðu á 34. mínútu. Sveinbjörn átti stungusendingu á Óla Baldur Bjarnason sem gerði allt rétt og kláraði vel.

Seinni hálfleikurinn var ekki eins skemmtilegur eins og sá fyrri en baráttan var þó til staðar. Minna var um opin marktækifæri og niðurstaðan 1-1 jafntefli þegar Örvar Sær Gíslason flautaði til leiksloka. Áframhaldandi botnbarátta blasir við báðum liðum.

Grindvíkingar voru nokkuð vængbrotnir í kvöld en Scott Ramsay og Gilles Ondo gátu ekki leikið þar sem þeir tóku út leikbönn. Bæði lið hafa tólf stig og sitja í 10. og 11. sæti Pepsi-deildarinnar.

Grindavík - Fjölnir 1-1

0-1 Jónas Grani Garðarsson (4.)

1-1 Óli Baldur Bjarnason (34.)

Grindavíkurvöllur. Áhorfendur: 652

Dómari: Örvar Sær Gíslason 6

Skot (á mark): 10-12 (7-5)

Varin skot: Óskar 4 - Hrafn 6

Hornspyrnur: 6-6

Rangstöður: 1-3

Aukaspyrnur fengnar: 9-16

Grindavík (4-5-1)

Óskar Pétursson 7

Ray Anthony Jónsson 5

Zoran Stamenic 6

Óli Stefán Flóventsson 6

Bogi Rafn Einarsson 5

Orri Freyr Hjaltalín 6

Eysteinn Húni Hauksson 5

(79. Jóhann Helgason -)

Sylvian Soumare 6

(65. Páll Guðmundsson -)

Óli Baldur Bjarnason 6

Jósef Kristinn Jósefsson 7* - Maður leiksins

Sveinbjörn Jónasson 6

(65. Þórarinn Brynjar Kristjánsson 5)

Fjölnir (3-5-2):

Hrafn Davíðsson 7

Marinko Skaricic 5

Ólafur Páll Johnson 6

Gunnar Valur Gunnarsson 5

Illugi Þór Gunnarsson 6

(69. Vigfús Arnar Jósepsson 5)

Gunnar Már Guðmundsson 6

Tómas Leifsson 6

Andri Steinn Birgisson 5

Magnús Ingi Einarsson 5

Andri Valdur Ívarsson 6

Jónas Grani Garðarsson 5

(83. Ágúst Þór Ágústsson -)