Avram Grant snýr aftur til Portsmouth

Enska úrvalsdeildarfélagið Portsmouth hefur staðfest að Avram Grant taki við starfi yfirmanni Knattspyrnumála hjá félaginu en Grant var áður í sama starfi í eitt ár á meðan Harry Redknapp var knattspyrnustjóri Portsmouth.

Árið 2007 fór Grant svo til Chelsea þar sem hann gengdi sama starfi áður en hann tók stjórastöðunni á Brúnni af Jose Mourinho. Grant stýrði Chelsea til úrslitaleiksins í Meistaradeildinni þar sem liðið tapaði gegn Manchester United en hætti eftir hann og hefur síðan þá stöðugt verið orðaður við endurkomu í enska boltann.

„Ég er mjög ánægður með að snúa aftur í bestu deild í heimi," sagði Grant í viðtali við ísraelska netmiðilinn One.