Anderson kveðst ekki vilja yfirgefa herbúðir United

Eins og breskir fjölmiðlar greindu frá í gær á miðjumanninum Anderson og knattspyrnustjóranum Sir Alex Fergson hjá Englandsmeisturum Manchester United að hafa lent illa saman eftir að leikmaðurinn var ekki í leikmannahópi United fyrir leikinn gegn Chelsea um Samfélagsskjöldinn fyrr í mánuðnum.

Það skýrir að hluta til ástæðuna fyrir því að Anderson, sem flestir aðdáendur United bjuggust við að myndi blómstra í yfirstandandi keppnistímabili, hefur aðeins verið einu sinni í byrjunarliði félagsins til þessa.

Anderson viðurkennir að hann sé ekki sáttur með þau fáu tækifæri sem hann hefur fengið til þessa en þvertekur fyrir það að hann vilji yfirgefa félagið

„Ég vonaðist til þess að fá fleiri tækifæri í byrjunarliðinu eftir að Ronaldo yfirgaf félagið og það var stefnan mín fyrir tímabilið. Ég geri mér samt grein fyrir því að knattspyrnustjórinn ræður því hverjir spila og hverjir ekki og það þýðir ekkert að þræta við hann.

Ferguson vill að ég sýni meira en ég hef gert og ég mun gera mitt besta til þess að sanna mig fyrir honum. Það er ekki rétt að ég vilji yfirgefa félagið," segir Anderson í viðtali við Daily Mail í dag.