Tottenham leggur fram kauptilboð í James og Kranjcar

Ef marka má Daily Mail í dag þá hefur Tottenham lagt fram 8 milljón punda kauptilboð í David James og Niko Kranjcar hjá Portsmouth.

Knattspyrnustjórinn Harry Redknapp hjá Tottenham var sem kunnugt er áður hjá Portsmouth og er þegar búinn að kaupa Peter Crouch þaðan í sumar.

Tottenham hefur verið sterklega orðað við báða leikmennina í sumar þó sér í lagi James eftir að Huerelho Gomes meiddist á dögunum en Kranjcar þykir nú jafnframt líklegur kostur fyrir Tottenham eftir að landi hans Luka Modric meiddist um helgina í leik með Lundúnafélaginu.

Ef Redknapp nær ekki að kaupa Kranjcar er líklegt að hann reyni að fá annað hvort Martin Petrov frá Manchester City eða Rafel van der Vaart frá Real Madrid.