Óvæntur sigur Burnley á meisturunum

Nýliðar Burnley gerðu sér lítið fyrir og lögðu meistara Man. Utd, 1-0, á Turf Moor í kvöld. Það var Robbie Blake sem skoraði eina mark leiksins á 19. mínútu.

United fékk kjörið tækifæri til þess að jafna undir lok fyrri hálfleiks en Brian Jensen varði slaka spyrnu Michael Carrick. Jensen átti annars stórleik í marki Burnley.

United sótti stíft í síðari hálfleik en sóknarleikur liðsins var hægur og hugmyndasnauður. Liðið skapaði því lítið af góðum færum.

Úrslit kvöldsins:

Burnley-Man. Utd  1-0

1-0 Robbie Blake (19.)

Birmingham-Porsmouth  1-0

1-0 James McFadden, víti (90.)

Hull City-Tottenham  1-5

0-1 Jermain Defoe (10.), 0-2 Wilson Palacios (14.), 1-2 Stephen Hunt (25.), 1-3 Jermain Defoe (45.), 1-4 Robbie Keane (78.), 1-5 Jermain Defoe (90.)