Ekkert pláss fyrir Bent og Young í landsliðshópnum

Landsliðsþjálfarinn Fabio Capello tilkynnti í gær tuttugu og fjögurra manna landsliðshóp Englands fyrir leikina gegn Úkraínu og HVíta-Rússlandi í undankeppni HM 2010.

Þrátt fyrir að Englendingar séu þegar búnir að tryggja sér farseðilinn á lokakeppnina þá gerir Capello ekki miklar breytingar á landsliðshópunum.

Enn er ekkert pláss fyrir framherjann Darren Bent, sem hefur farið á kostum með Sunderland og skorað sjö mörk í átta leikjum í ensku úrvalsdeildinni, né heldur Ashley Young leikmann Aston Villa.

Capello hefur þess utan ákveðið að velja ekki Theo Walcott hjá Arsenal og Joe Cole hjá Chelsea en báðir leikmenn eru nýbúnir að jafna sig af meiðslum og hefðu eflaust gott af því að fá að spila með landsliðinu.

Ben Foster hjá Manchester United og Jermain Defoe hjá Tottenham geta eru ekki í hópnum vegna meiðsla.

Landsliðshópurinn er eftirfarandi:

Markverðir: Paul Robinson (Blackburn), Robert Green (West Ham), David James (Portsmouth).

Varnarmenn: Ashley Cole (Chelsea), John Terry (Chelsea), Glen Johnson (Liverpool), Wayne Bridge (Manchester City), Joleon Lescott (Manchester City), Wes Brown (Manchester United), Rio Ferdinand (Manchester United), Matthew Upson (West Ham).

Miðjumenn: James Milner (Aston Villa), Frank Lampard (Chelsea), David Beckham (Los Angeles Galaxy), Steven Gerrard (Liverpool), Gareth Barry (Manchester City), Shaun Wright-Phillips (Manchester City), Michael Carrick (Manchester United), Aaron Lennon (Tottenham).

Framherjar: Gabriel Agbonlahor (Aston Villa), Emile Heskey (Aston Villa), Peter Crouch (Tottenham), Carlton Cole (West Ham), Wayne Rooney (Manchester United).