Innlent

Stef sigraði Svavar

Framkvæmarstjóri Smáís, Snæbjörn Steingrímsson, fagnar sigri yfir Istorrent.
Framkvæmarstjóri Smáís, Snæbjörn Steingrímsson, fagnar sigri yfir Istorrent.

„Meginniðurstaðan er sú að að lögbannið gegn Istorrent er algjörlega staðfest og svo var bótaskyldan viðurkennd," segir Snæbjörn Steingrímsson, framkvæmdarstjóri Smáís, en Stef  sigraði dómsmál varðandi höfundarvarið efni sem þeir höfðuðu gegn Svavari Lútherssyni sem hélt úti síðunni Istorrent, nú í morgun.

Svavar sigraði fyrra dómsmálið sem Smáís höfðaði gegn honum en sú sigursæla var skammvinn, nú laut hann ósigri auk þess sem hann þarf að greiða milljón í málsskostnað fyrir Stef.

Upphaf málsins má rekja til þess að Svavar hélt úti síðunni Istorrent. Þar gátu notendur skráð sig inn og dreift sín á milli allskyns kvikmyndum, þáttum, tónlist og fjölmörgu öðru. Að auki mátti finna höfundarvarið efni sem var dreift á milli notenda. Smáís höfðaði mál á hendur síðunnar og krafðist lögbanns í ljósi þess að finna mátti efni sem var höfundarvarið.

„Áður fyrr var stöðugt verið að fara yfir formsatriði og eins og umboð erlendrar rétthafasamtaka og hvort þeir ættu rétt á að krefjast lögbanns," útskýrir Snæbjörn varðandi frávísu á fyrra málinu.

Að sögn Snæbjörns er um gríðarlegan áfangasigur að ræða fyrir réttahafa höfundavarins efnis. Hann segir dóminn jafnframt skýr skilaboð til „kaffihúsa" lögfræðinga eins og hann kallar þá, engu máli skiptir þó menn haldi úti síðum eins og Istorrent í gegnum erlenda hýsla, menn eru engu að síður ábyrgir fyrir því sem þar gerist hér á landi.

Aðspurður hvaða áhrif dómurin hefur á þá sem hala niður efni ólöglega svarar Snæbjörn því til að þeir geti einnig verið dregnir til ábyrgðar fyrir að dreifa höfundavörðu efni ólöglega.

Finna má fleiri síður sem stuðla að dreifingu höfundavarins efnis. Spurður hvað taki nú við segir Snæbjörn: „Við erum langt því frá hættir."

Dómurinn gerir þeim sem eiga efnið sem var dreif kleyft að höfða skaðabótamál á hendur þeirra sem að síðunni stóðu.







Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.