Chelsea áfrýjar banni FIFA

Chelsea ætlar ekki að taka banni FIFA um að þeim verði meinað að versla í næstu gluggum þegjandi og hljóðalaust. Félagið hefur nú ákveðið að áfrýja banninu til íþróttadómstólsins í Sviss.

Samkvæmt banni FIFA má Chelsea ekki kaupa leikmenn aftur fyrr en árið 2011 en bannið fékk Chelsea fyrir að lokka Gael Kakuta til sín á ólöglegan hátt.

Kakuta sjálfur má ekkert spila næstu fjóra mánuðina og þarf að greiða háa sekt upp á tæplega 800 þúsund evrur.

Chelsea á að sama skapi að greiða uppeldisfélagi hans, Lens, 130 þúsund evrur.