Tottenham vill fá Muntari - Jenas með í skiptunum?

Knattspyrnustjórinn Harry Redknapp hjá Tottenham er sagður í breskum fjölmiðlum í dag mjög áhugasamur um að kaupa Sulley Muntari frá Inter en leikmaðurinn lék undir stjórn Redknapps hjá Portsmouth á sínum tíma.

Muntari hefur ekki beint slegið í gegn í Mílanóborg og lenti til að mynda upp á kant við knattspyrnustjórann José Mourinho á dögunum.

Redknapp ku vera tilbúinn að láta miðjumanninn Jermaine Jenas með í skiptisamning en Jenas var sterklega orðaður við Inter fyrr í sumar.