Arnar: Vonandi höldum við Guðmundi

„Þessi þrjú stig voru allavega kærkomin til að koma okkur út úr þessum barningi á botninum. Þetta var skref í rétt," sagði Arnar Grétarsson sem skoraði sigurmarkið í 1-0 sigri Breiðabliks á Fylki í kvöld.

Arnar átti þá fyrirgjöf sem sigldi í netið eftir að Guðmundur Pétursson, lánsmaður úr KR, náði ekki til knattarins. Arnar og Guðmundur áttu báðir frábæran leik fyrir Blika í kvöld.

„Hann er í alla staði frábær leikmaður og ég vona að við höldum honum hérna á næsta ári. Hann er einmitt týpan sem við þurftum. Hann er sterkur, heldur boltanum vel, er vinnusamur og bara góður í fótbolta. Hann fær mikið kredit fyrir það sem hann hefur gert fyrir okkur," sagði Arnar um Guðmund.

Nánar er rætt við Arnar í Fréttablaðinu á morgun.