Vignal til Birmingham

Gregory Vignal, fyrrum leikmaður Liverpool, hefur samið við enska úrvalsdeildarfélagið Birmingham til eins árs. Vignal á reyndar enn eftir að gangast undir læknisskoðun.

Vignal var keyptur til Liverpool árið 2000 en náði aðeins að spila ellefu sinnum með félaginu. Hann var að lokum lánaður til Rangers þar sem hann spilaði undir stjórn Alex McLeish, núverandi stjóra Birmingham.

Vignal hefur undanfarið verið að æfa með Birmingham og þótt standa sig vel að sögn McLeish. Hann lék síðast með Lens í Frakklandi.