Meiðsli Johnson ekki jafn alvarleg og fyrst var haldið

Enska úrvalsdeildarfélagið Fulham fékk góð tíðindi í dag þegar í ljós kom að framherjinn Andy Johnson muni ekki vera frá í átta vikur eins og fyrst var haldið eftir að leikmaðurinn fór úr axlarlið í leik í Evrópudeild UEFA í gærkvöld.

Knattspyrnustjórinn Roy Hodgson hjá Fulham vonast til þess að geta teflt Johnson fram mun fyrr.

„Þetta lítur mun betur út með Andy núna en það gerði í gærkvöldi. Hann ætti að geta byrjað að æfa aftur eftir tvær vikur og verður vonandi leikfær eftir fjórar til fimm vikur," segir Hodgson í samtali við Sky Sports fréttastofuna.