Umfjöllun: Halldór Orri bjargaði stigi fyrir Stjörnuna

Halldór Orri Björnsson var hetja Stjörnumanna í kvöld er hann skoraði jöfnunarmark liðsins gegn Keflavík í uppbótartíma. Lokatölur 1-1.

Stigið svo sannarlega verðskuldað enda hafði Stjarnan algjörlega yfirspilað heimamenn í síðari hálfleik.

Leikurinn var annars frábær skemmtun og bæði lið fá hrós fyrir að reyna að spila skemmtilegan fótbolta sem gekk ágætlega lengstum.

Jafnræði var með liðunum framan af en færi Keflvíkinga voru ívið betri. Úr einu slíku kom Hörður Sveinsson Keflavík yfir. Hann fékk þá sendingu frá nýliðanum Magnúsi Þóri Matthíassyni og afgreiddi boltann laglega í netið.

Við markið fór allur vindur úr Stjörnumönnum og Keflvíkingar hreinlega óðu í færum. Þeir voru í raun ævintýralegir klaufar að leiða ekki með fleiri mörkum í leikhléi.

Í seinni hálfleik snérist taflið við. Keflvíkingar bökkuðu allt of mikið og sprækir Stjörnumenn þjörmuðu að þeim.

Þar fór fremstur í flokki Steinþór Freyr Þorsteinsson sem átti magnaðan leik og gerði leikmönnum Keflavíkur lífið leitt hvað eftir annað. Hann vantaði þó sárlega stuðning frá félögum sínum lengstum en það kom þegar hann fór að draga sig lengra til baka og félagar hans komu ofar á völlinn.

Smám saman jókst pressan að marki Keflavíkur og ef ekki hefði verið fyrir frábærar markvörslur Lasse Jörgensen þá hefði Stjarnan jafnað fyrr.

Jöfnunarmarkið var sérstakt. Fjöldi leikmanna beið í teignum eftir enn einu rosainnkasti Steinþórs. Hann ákvað þá aldrei þessu vant að leggja hann stutt út á Hafstein Rúnar Helgason sem gaf laglega fyrirgjöf á Halldór Orra sem kom boltanum yfir línuna þegar tæpar tvær mínútur voru komnar fram yfir venjulegan leiktíma.

1-1 sem var sanngjörn niðurstaða í þessum kaflaskipta og afar skemmtilega leik.

Keflavík-Stjarnan 1-1

1-0 Hörður Sveinsson (25.)

1-1 Halldór Orri Björnsson (90+2.)

Keflavíkurvöllur:  Áhorfendur: 1.980

Dómari: Kristinn Jakobsson 8

Skot (á mark): 10-19 (6-7)

Varin skot: Lasse 6 – Bjarni Þórður 4

Horn: 4-9

Aukaspyrnur fengnar: 3-7

Rangstöður: 2-3

Keflavík (4-4-2)

Lasse Jörgensen  8

Guðjón Árni Antoníusson  4

Alen Sutej  5

Bjarni Hólm Aðalsteinsson  5

Brynjar Guðmundsson  5

Magnús Sverrir Þorsteinson  5

(69, Nicolai Jörgensen  4)

Jón Gunnar Eysteinsson  7

Simun Samuelsen  6

Haukur Ingi Guðnason  6

(86., Einar Orri Einarsson  -)

Hörður Sveinsson  6

Magnús Þórir Matthíasson  6

(63., Bojan Ljubicic  4)

Stjarnan (4-5-1)

Bjarni Þórður Halldórsson  7

Guðni Rúnar Helgason  5

Daníel Laxdal  5

Tryggvi Sveinn Bjarnason  4

Hafsteinn Rúnar Helgason  4

Björn Pálsson  5

Birgir Hrafn Birgisson  4

(84., Ellert Hreinsson  -)

Þorvaldur Árnason  5

(84., Magnús Björgvinsson  -)

Jóhann Laxdal  3

(67., Arnar Már Björgvinsson  5)

Halldór Orri Björnsson  6

Steinþór Freyr Þorsteinsson  8 - ML

Leiknum var lýst beint á Boltavakt Vísis og Fréttablaðsins og má lesa lýsingu leiksins hér: Keflavík - Stjarnan.