Katrín: Þór/KA er með hörkulið og frábæra framlínu

„Ég er ótrúlega svekkt því við mættum bara ekki tilbúnar í fyrri hálfleik. Við vorum kannski að átta okkur á því að þrír byrjunarliðsmenn voru ekki með okkur í kvöld en það afsakar ekki neitt því það komu bara stelpur inn í þeirra stað.

Aðal málið er samt bara að það þýðir ekkert annað en að halda einbeitingu og halda haus í plús níutíu mínútur í þessarri deild annars taparðu bara," sagði Katrín Jónsdóttir hjá Val eftir 1-2 tapið gegn Þór/KA í Pepsi-deildinni í kvöld en hún hrósaði gestunum annars fyrir góðan leik.

„Þór/KA er með hörkulið og frábæra framlínu og þær eru mjög skipulagðar varnarlega og áttu sigurinn bara fyllilega skilið þegar upp er staðið," sagði fyrirliði Vals að lokum.