Umfjöllun: FH alltof stór biti fyrir ÍBV

FH-ingar áttu ekki í teljandi vandræðum með að leggja Eyjamenn að velli í Pepsi-deildinni í dag. FH vann öruggan 5-0 sigur þar sem Atli Viðar Björnsson skoraði tvívegis.

Athygli vakti að Gunnar Sigurðsson var kominn í mark FH en ástæðan fyrir því er að Daði Lárusson hefur átt við meiðsli að stríða. Bæði lið voru án fyrirliða sinna en Davíð Þór Viðarsson og Andri Ólafsson tóku út leikbönn.

Eyjamenn höfðu fengið hættulegri færi þegar FH-ingar náðu forystunni nokkuð gegn gangi leiksins á 24. mínútu. Skömmu síðar bættu þeir við öðru marki og höfðu tveggja marka forystu í hálfleik.

Gestirnir lögðu síðan árar í bát í seinni hálfleiknum sem var einstefna FH-inga. Þeir spiluðu oft á tíðum mjög laglega á milli sín og unnu á endanum stórsigur 5-0. Fallegasta mark leiksins skoraði varamaðurinn Björn Daníel Sverrisson.

Það er einfaldlega mikill getumunur á þessum tveimur liðum og hann kom bersýnilega í ljós í þessum leik.

Eftir þennan stórsigur komst FH skrefi nær Íslandsmeistaratitlinum þetta tímabilið og verður hann kominn í höfn á miðvikudaginn ef KR misstígur sig í leik gegn Breiðabliki á Kópavogsvelli.

Eyjamenn geta enn fallið samkvæmt tölfræðilegum möguleikum en það er þó ljóst að mikið þarf að ganga á ef það verða ekki Fjölnismenn sem fylgja Þrótti niður.

FH - ÍBV 5-0

1-0 Matthías Vilhjálmsson (24.)

2-0 Atli Viðar Björnsson (28.)

3-0 Atli Guðnason (57.)

4-0 Björn Daníel Sverrisson (75.)

5-0 Atli Viðar Björnsson (84.)

Áhorfendur: 1.063

Dómari: Valgeir Valgeirsson 5

Skot (á mark): 11-9 (7-3)

Varin skot: Gunnar 3 - Albert 2

Horn: 8-1

Aukaspyrnur fengnar: 13-15

Rangstöður: 1-2

FH (4-3-3)

Gunnar Sigurðsson 6

Pétur Viðarsson 7

Freyr Bjarnason 6

Tommy Nielsen 6

Hjörtur Logi Valgarðsson 7

Dennis Siim 7

(84. Alexander Söderlund -)

Tryggvi Guðmundsson 7

(73. Björn Daníel Sverrisson -)

Matthías Vilhjálmsson 7

Ólafur Páll Snorrason 7

Atli Guðnason 8* - Maður leiksins

(85. Kristján Gauti Emilsson -)

Atli Viðar Björnsson 8

ÍBV (4-5-1)

Albert Sævarsson 4

Pétur Runólfsson 5

Andrew Mwesigwa 4

Eiður Aron Sigurbjörnsson 3

Matt Garner 5

Augustine Nsumba 4

Yngvi Borgþórsson 6

(73. Egill Jóhannsson -)

Bjarni Rúnar Einarsson 3

Arnór Eyvar Ólafsson 4

Tonny Mawejje 6

(82. Anton Bjarnason -)

Viðar Örn Kjartansson 4

(37. Gauti Þorvarðarson 6)

Smelltu hér til að opna Boltavaktina og lesa lýsingu leiksins: FH - ÍBV

Þá er einnig hægt að nálgast Boltavaktina í Vodafone Live! farsímaþjónustunni.