Brotist inn í Breiðholti

Brotist var inn í húsnæði í Breiðholti í nótt og stolið þaðan handverkfærum. Laust eftir klukkan ellefu í gærkvöldi var brotist inn í verslun í Kauptúni í Garðabæ og tölvubúnaði stolið.

Þá valt bíll á gatnamótum Hafnarfjarðarvegar og Fjarðarhrauns laust fyrir klukkan eitt í nótt en engin slys urðu á fólki. Bifreiðin var dregin af vettvangi með dráttarbifreið. Ekki er ljóst hvað olli slysinu. Eldur logaði í annarri bifreið í Ármúla um klukkan tvö í nótt og hún er ónýt eftir.

Einn ökumaður var stöðvaður í miðborg Reykjavíkur grunaður um að hafa ekið undir áhrifum áfengis. Hann var sviptur ökuréttindum að sýnatöku lokinni.